Dhismaha jidka diyaaraduhu ku ordaan ee Garoonka Dhusamareb ee Gobolka Galmudug ee Soomaaliya ayaa gaaray wejigii ugu dambeeyay, mashruucani oo ah dhismaha jidka diyaaraduhu ku ordaan oo dhererkiisu yahay 3 kilometer ayaa si dhaqso ah u socda. Shirkadda Olympic Construction Company oo masuul ka ah mashruucan ayaa qabatay wejiyado badan oo muhiim ah, oo ay ku jiraan banaynta, balaarintu, toosintu, isa saaridda lakabyada ka horeeya, dhigidda laamiga asaasiga ah, iyo rakibidda warshadda isku daraysa jaayga iyo laamiga kuwaasi oo dhamaantood laga soo bilaabay bilow hoose.
Sida uu sheegay Injineerka Maslax Maxamed Maxamuud oo u xil saran dhismaha garoonka, mashruucan ayaa dhammaad kusoo dhow yahay, waxaana la bilaabi doonaa wejigii ugu dambeeyay ee dhigidda laamiga jidka diyaaraduhu ku ordaan ee garoonka. “Waxaan ku guuleysanay in aan halkii litir iyo bar u diyaarisay in laami la saaro, sidoo kale dhammaan agabyadii iyo qalabkii ka shaqeynayey ayaa diyaar ah,” ayuu yiri.
Laamiga la isticmaali doono mashruucan ayaa laga soo iibiyay dibadda, waxaana la keenay xarunta kambaniga Olympic Construction Company ee magaalada Dhusamareb, kadib markii laga soo dejiyo dekedda Boosaaso. Injineerka Maxamuud ayaa ku kalsoon yahay in jidka diyaaraduhu ku ordaan ee 3 kilometer oo dhan ayaa la dhammeyn doonaa, taasi oo diyaaradaha caalamiga ah u oggolaan doonta inay ka soo degan karaan Garoonka Ugaas Nuur markii la soo gaba gabeeyo.
“Waxaan ku bilaabi doonnaa, haddii Alle idmo, in 1 kiilomitir iyo bar inaynu laamiga saarno,” ayuu yiri Maxamuud. “Kadib insha’allah kilomitir markii kale taasna diyaarino si ay diyaaradahu kiilomitir markaas ugu dagaan ee annaguna aan kilometer iyo barkan kala aan ka shaqeyno dhammaan laami la saari lahaa saddexdaas kiilomitir.”
Dhismaha Garoonka Dhusamareb waxay ka mid tahay balanno sanadeedka Madaxweynaha Galmudug Axmed Cabdi Kaariye uu u sameeyay gobolkaas. Mashruucan, oo bilihii hore ee sanadkan la bilaabay, waxaa la filayaa in la dhammeystiro bilihii ugu horreeyay ee sanadka cusub, taas oo ah isku soo baxay muhiim ah hirgalinta dhismayaasha horumarinta gobolkaas.
Dhammaadka Garoonka Dhusamareb, isagoo u furi doona jidka duullimaadka, wuxuu sidoo kale gacan ka geysan doonaa kobcida dhaqaalaha gobolka iyo xidhiidhka gobolka la yeesho qaybaha kale ee Soomaaliya iyo adduunkaba. Guusha mashruucan waxay muujinaysaa go’aanka maamulka Galmudug ee ah in la hagaajiyo nolol maalmeedka muwaadiniintooda iyadoo la dhisayo hirgalinta horumarinta iyo casriyeynta.
